¿Quen somos?

"Somos un grupo de veciños que alentados pola urxencia social decidimos actuar dende a política para tratar de cambiar as cousas. Somos conscientes de que o camiño é longo e estamos na primeira fase, aprendendo como funciona o sistema e tratando de corrixir os vicios e abusos mediante a denuncia social e ante os organismos que deben velar pola legalidade."

UN NARÓN QUE PROMOVA A HONESTIDADE DOS GOBERNANTES

 E que impida a convivencia mafiosa entre política e diñeiro. Hai que poñer transparencia política e económica, limitar soldos e mandatos, e establecer mecanismos efectivos de control dos responsables públicos.

Eliximos un novo contrato ético entre cidadanía e representantes. 


UNHA AUTÉNTICA DEMOCRACIA

Que obrige ós representantes a mandar obedecendo, con controis sociais sobre os orzamentos, con iniciativas e consultas cidadáns vinculantes que axuden a tomar decisión compartidas e lexitimadas.

DECIDIR CÓMO DEBE SER O NARÓN QUE NECESITAMOS E DESEXAMOS

Moitas destas iniciativas son defendidas, dende fai tempo, por movementos sociais, veciñais e sindicais e por diferentes espazos políticos.

Pero só podémolas levar a cabo se nos implicamos e alentamos a participación cidadá de amplos sectores sociais.

NOTA DE AGRADECEMENTO ÓS NOSOS VOTANTES.

Dende Eliximos Narón non podemos deixar de agradecer ós nosos votantes o apoio dado a nosa candidatura. Imos traballar para mellorar Narón facendo unha oposición constructiva, van a ser catro longos anos de traballo nos que esperamos rendibilizar os seus votos e ir gañando a confianza do resto da poboación.

Sabemos que hai moito por facer, que outra forma de facer Narón é posible, e que temos que contruílo entre todos, polo que a nosa será unha porta aberta pola que pretendemos que o Concello chege ós veciños.

¿TES ALGUNHA DÚBIDA OU QUERES COMPARTIR

UNHA IDEA CON NÓS?

Praza de Galicia s/n - Entrechán 15570 Narón (A Coruña)

eliximos@gmail.com

673 141 822